Guadasuar (en valenciano e oficialmente Guadassuar) é un concello da Comunidade Valenciana, España, pertencente á provincia de Valencia, na comarca da Ribera Alta.

O termo é regado pola Acequia Real del Júcar e polo río Magro. A superficie do termo é plana e apenas se eleva pola súa parte suroeste, onde se superan os 300 metros. O terreo é de natureza arcillosa, formado polos sedimentos que deixaron as aluvións dos ríos Magro e Júcar. A altitude oscila entre os 313 metros ao oeste, no límite con Tous, e os 20 metros ás beiras do río Magro. A vila medra a 23 metros sobre o nivel do mar.

Existen diversas opinións sobre a toponimia do lugar; principalmente dúas: unha que o fai derivar dos nomes árabes wadi asuad que significa "río negro" e, outra, de wadi suar, "a parte máis plana do río", bastante creíble. En 1242, con motivo da rendición de Alzira, Guadasuar, como propiedade daquela, pasa á órbita cristiá coa condición de que fosen respectadas as súas costumes, lingua e relixión, circunstancia que explica que o lugar non figure no Libro del Repartimiento de Valencia (Llibre del Repartiment). De todas maneiras, os continuos problemas cos cristiáns traduciuse nunha emigración dos musulmáns cara a outras poboacións e a súa total ocupación por cristiáns (sentenza de Xaime I de 1246), o que obrigou a repobrala, en 1270, con 39 cristiáns chegados de Cataluña, Aragón e Navarra, principalmente. Pertenceu sempre á Coroa, baixo a xurisdición de Alzira ata 1581, ano no que Felipe II de España, por privilexio do 22 de decembro, lle concedeu a independencia municipal co título de "Real Universidade". Durante as Germanías sufriu diversos saqueos.

Segundo Cavanilles, en 1795 producía arroz, seda, trigo, millo, viño, aceite e hortalizas. Hoxe continúa sendo unha vila agrícola, dedicada ao cultivo dos cítricos e caquis, ademais dos cultivos residuais de secano, como o olivo e o algarrobo.