A Reserva do Bisonte Europeo - Bison Bonasus - está situada en San Cebrián de Mudá nun entorno privilexiado da Montaña Palentina. Numa parcela de 20 hectáreas de carballos e pradeiras, ofrécese a posibilidade de observar varios exemplares de bisonte europeo en semilibertade. [+ info]

A Reserva do Bisonte Europeo - Bison Bonasus - está situada en San Cebrián de Mudá nun entorno privilexiado da Montaña Palentina. Numa parcela de 20 hectáreas de carballos e pradeiras, ofrécese a posibilidade de observar varios exemplares de bisonte europeo en semilibertade.

Os principais obxectivos do proxecto son a recuperación deste animal histórico do que no ano 1927 non quedou nin un só exemplar camiñando libre polo mundo.

Cando falamos de reserva non falamos dun zoolóxico, nin dunha exposición de animais vivos, xa que a reserva enmárcase nun concepto diferente, onde, en base a esa liberdade da que gozan os animais, o visitante só vai ter a posibilidade de velos, nunca a certeza.

A visita pode realizarse de varias maneiras: andando, en bicicleta ou en todoterreo. E no inverno dispoñen de raquetas de neve.

Todas as visitas realízanse con guía, dispoñendo de diversas ofertas para todos os públicos, incluíndo grupos escolares de todas as idades. A observación do animal pódese realizar desde tres puntos diferentes, 2 deles situados dentro da reserva. Ademais poderás aprender das peculiaridades desta especie no centro de interpretación.

A Reserva do Bisonte tamén acolle varios exemplares de Cabalo de Przewalski ou cabalo salvaxe mongol, única subespecie salvaxe de cabalo que existe na actualidade e cinco exemplares de Cabalo Losino, que se poderán ver xunto cos bisontes do parque.