Conta con 51 pistas, maioritariamente de nivel medio e alto. O seu dominio esquiable chega aos 45,28 quilómetros, boa parte dos cales están equipados con máis de douscentos canóns de neve artificial. As instalacións de Boí Taüll Resort atópanse a máis de 2.000 metros de altitude. A cota máxima, o Puig Falcó, alcanza os 2.750 metros. Este feito favorece a calidade e cantidade de neve durante boa parte da tempada.

Boí Taüll Resort é unha das estacións favoritas para os practicantes das tendencias máis modernas dos deportes de neve. O snowpark e a pista de boardercross que ofrece son algúns dos argumentos para os amantes do estilo libre. A tranquilidade, o respecto polo entorno e a promesa da ausencia de masificación son os puntos fortes desta estación.

A estación de esquí Boí Taüll Resort atópase na Vall de Boí, unha paisaxe dunha excepcional riqueza natural e cultural. As igrexas románicas da Vall de Boí foron declaradas Patrimonio da Humanidade pola Unesco. Ademais, o val é unha das entradas do Parque Nacional d'Aigüestortes i Estany de Sant Maurici.